«Анамызды босатыңыздаршы» Көздеріне жас алған бірнеше жасөспірім мен жеткіншектер 1 маусым халықаралық балаларды қорғау күні мерекесін Шымкенттегі уақытша тергеу изоляторында қарсы алды. Мекеме есігін торуылдаған олар 2 жылдан бері аналарының жылы құшағын аңсауда. Қамауға алынған жиырма шақты адамның арасында көпбалалы аналар да бар. Қорғаушылардың айтуынша, сот тәртібі тым баяу жүріп жатыр екен. Соның салдарынан, іс 4-5 жылға созылуы мүмкін.
Индиго 24 қаржы пирамидасы елдің есінде болар. 2015 жылы құрылған ұйымға 5 жылдан кейін қылмыстық іс қозғалып, 30 шақты адам күдікті ретінде қамалған. Изолятордың алдына жиналғандар өздерінің де жәбірленуші екенін айтып, соттың әділ өтуін, жақындарын үй қамағына босатуды талап етеді.
Батырхан, (күдіктінің туысы):
- Бұлар да өздері салымшы болған. Алданып қалып отыр. Ал сыртынан арыз жазып отырғандар солар ақшасын екінші рет қайтарып алған екінші рет. Артынан еріп келгендер бонусын алып отыр. Олар сыртта жүр.
Гүләй Асылбекова, (күдіктінің туысы ):
- 2094 адам жәбірленуші. Менің де келінім жәбірленуші. Шынына келгенде, шындығына келгенде. 11 млн. Кредитіміз бар. Міне 11 млн. кредит. 2094 адам ләпсі қылып салды ма? Менің де келінім салды ақшаны.
Қорғаушылар болса істің мұндай қарқынмен 4-5 жылға созылуы мүмкін екенін айтады. Сондай-ақ тергеу барысында процессуалдық заң бұзушылыққа жол берілгендігін жеткізді.
Жарқын Ибадуллаев, (қорғаушы ):
- Арыздардың жауаптары бір келкі. Яғни «алаяқтық жолмен сенімге кірд»і – деп беріп отыр. Көптеген арыздар бір мәтінде жазылған. Бәрінде бірдей. Көбісі. Кейбіреулері «мен бұлай жауап берген жоқпын, бірақ қол меніңкі, маған түсіндірген жоқ» -деген секілді тергеуде берілген жауаптарынан бас тартып отыр.
Уақытша тергеу иозоляторына қамалғандардың үстінен қозғалған істің сот процесінің басталғанына 3 ай болыпты. Осы аралықта 60-қа жуық адамнан сұрақ-жауап алынған. Қораушылардың айтуы бойынша әлі 3 мыңнан астам адамнан сұрақ-жауап алынуы тиіс. Ол үшін бірнеше жыл қажет екен. Темір торға тоғытылған жандардың жақындары енді Президентке үміт артамыз деп шешім қабылдап отыр.
