Алаяқтық жасағыны үшін істі болған Жоғарғы соттың судьясы қызметінен босатылды. Бүгін сенаторлар Президенттің тиісті ұсынысын қолдап, қаулы қабылдады. Еске салсақ, өткен жылы Жоғарғы сот судьясы ірі көлемде пара алу кезінде ұсталған болатын. Ақшаны Түркістан облысы аудандық сотының судьясы бір соттан екінші сотқа ауысу үшін берген. Бірақ Жанғұттинов делдал арқылы 7 мың АҚШ долларын алғаннан кейін байланысқа шықпай қойған. Нұр-сұлтан қаласы Байқоңыр ауданының №2 соты Мейрам Жанғұттиновті 5 жылға бас бостандығынан айыру туралы үкім шығарған. Енді ол өмір бойы мемлекеттік қызметте жұмыс істеу құқығынан да айырылды.
Денис Шипп- ҚР Жоғары сот кеңесінің төрағасы:
«Жанғұттинов сот шешімімен кінәлі деп танылды. Үкім заңды күшіне енді. Осыған байланысты президент Жоғарғы сот судьясынан босатуды ұсынды».
