Қазақстан Республикасы Азаматтық қорғаныс бастығының орынбасары – Қазақстан Республикасы Төтенше жағдайлар министрінің «Жер-2021» халықаралық командалық-штабтық оқу-жаттығуды дайындау және өткізу жөніндегі ұйымдастырушылық нұсқауларына сәйкес, Түркістан облысы ТЖ департаменті Алматы облысындағы осы іс-шараға қатысуда.
Оқу-жаттығудың негізгі мақсаты — төтенше жағдайлардың алдын алу және оларды жою жөніндегі іс-қимылдарға Азаматтық қорғаудың мемлекеттік жүйесін одан әрі жетілдіру, сондай-ақ жойқын жер сілкінісі туындаған кезде ТЖ жоюға азаматтық қорғаудың басқару органдарын, күштері мен құралдарын дайындау.
Халықаралық деңгейде өтіп жатқан оқу-жаттығуға Өзбекстан, Қырғызстан, Армения, Ресей, Беларусь мемлекеттерінің ТЖ министрілігі және Тәжікстан Республикасының ТЖ комитеті қатысуда.
Айта кету керек, «Жер-2021» халықаралық командалық-штабтық оқу-жаттығудың тақырыбы: «Алматы облысындағы жойқын жер сілкінісі салдарынан туындаған төтенше жағдайларды жою кезіндегі іс-қимылдарға азаматтық қорғау мемлекеттік жүйесінің басқару органдарын, күштер мен құралдарын дайындау».
Түркістан облысы Азаматтық қорғау мемлекеттік жүйесінің кіші жүйесінің және ТЖ департаментінің күш және құралдарын облыс әкімінің бірінші орынбасары А.Ш. Жетпісбай және департамент бастығы полковник Н. Жунусов басқаруда. Алматы облысындағы Тамғалы Тас шатқалы «Жартасты қала — Астана» оқу-жаттығу полигонында болуы мүмкін қиратушы жер сілкінісі кезінде өзара көмек көрсету іс-әрекеттері пысықталды.
Түркістан-Ақпарат
