Табиғаттың тосын мінезінен шығыс жағалау зардап шекті, Нью-Йорк қаласынан бөлек көптеген қалалар су астында қалды соққы берді.
Дауылмен келген қалың жауын көшелер мен жерасты жолдарын, бірінші қабатта орналасқан ғимараттарды сел астында қалдырды.
Қазір жергілікті билік апат салдарынан кем дегенде 44 адам қаза тапқаны туралы ақпаратты растап отыр. 13 адам, оның ішінде екі жасар бала Нью-Йоркте, тағы 27 адам Нью — Джерсиде қайтыс болды. Сондай-ақ, Бриджуотер қаласы мен Хиллсборо, Монтгомери, Оңтүстік Плейнфилд және Пассаик округтерінен де қаза тапқандардың денелері табылды.
Метеорологтар атап өткендей, Ида дауылы басылғанымен, ауада ылғал көп болғандықтан, өңірде қатты жаңбыр басталды.
АҚШ Президенті Джо Байден Нью-Йорк пен Нью-Джерси губернаторларымен кездесу өткізді. Президент федеральды ведомстволардың барлығы дайын екенін, қажет болса көмек көрсететінін айтты.
Естеріңізге сала кетейік, «Ида» дауылы Мексика шығанағының жағалауына 29 тамызда келген болатын. Жергілікті билік табиғат құбылысын 1850-ші жылдан бері орын алған ең қуатты дауыл деп атады. Жүздеген адам эвакуацияланды.
АҚШ президенті Джо Байден дауыл салдарынан Луизиана штатында апат болғанын жариялады және зардап шеккендерге федералды көмек көрсетуді бұйырды. 1 қыркүйекке таман дауыл АҚШ-тың өзге аймағына таралып, біртіндеп тропикалық дауылға айналды. Жаңа Орлеанда электр жарығы өшкендіктен, ұрлық-қарлық болмас үшін коменданттық сағат енгізілді. Нью-Йоркте су тасқынына байланысты төтенше жағдай енгізілді.
