Ауылымыз шыбын-шіркейге толып зәрезап болдық. Түркістан облысындағы Сарыкөл ауылының тұрғындары арнамызға осылай деп шағымданды. Халық күндіз көп жағдайда көшеге шықпауға тырысатын көрінеді. Ал шаруалар тіпті егістікке де шыға алмай қалған.
Сарыкөл ауылының тұрғындары мынадай бетперде киіп жүруге мәжбүр. Себебі мұндағы шыбын-шіркей сізді қалыпты жүргізбейді. Бір өкініштісі биыл ауылды залалсыздандыруға қаржы бөлінбеген.
Қазір шіркей шағып, емхана мен ауруханаларға қаралатындар қатары күрт көбейген. Осы үшін де қан қысымы жоғары тұрғындар қазір үйінен аттап баспай отыр. Ересектермен қоса оқушылар да мектепке де тор бас киім киіп баратын болған. Себебі ашық жүрсе жәндіктер киімге дейін кіріп, шағып тастайды екен.
Мәселенің мән-жайын Түркістан облыстық тұрғын үй коммуналдық шаруашылық бөлімінің басшысынан сұрадық. Сөйтсек олар жағдайдан хабардар болып шықты. Оның айтуынша биыл өңірлерді дәрілеуге қаржы бөлінбеген. Арнайы зерттеу жұмыстарын жүргізіп келер жылы дәрілеуге ақшаның бөлінетіндігін жеткізді.
Айта кетейік шыбын-шіркей адамдардың ғана емес. Ауылшаруашылығыныңда дамуына кері әсерін тигізуде. Шаруалар қазір егістікке де шыға алмай қалған. Ал мамандар биылғы көктемнің жаңбырлы болуы шіркейлердің көбеуіне сеп болды дейді. Енді бұл жәндіктер тек шілдеде азая бастайды екен. Дегенмен оған дейін әлі біршама уақыт бар.
