Солтүстік Қазақстан облысының 24 жастағы тұрғыны Асыл Ахметова — әлеуметтік желі белсендісі. Ол өз блогында ауыл өмірінің әдемі көріністерін көрсетеді. Халық әндерін орындап, жылқының құлағында ойнайтын Асылдың бейнежазбалары мыңдаған қаралым жинауда. Блог жүргізуде әкесінің қолдауы зор, видео түсіріп, ауыл контентін жасауға көп көмегі тиюде.
Асыл елордада білім алып, ауыл мектебінде мұғалім болып жұмыс істейді. Дегенмен, ол бос уақытын жайылымда өткізгенді жақсы көреді. Өмірін жылқысыз елестете алмайтынын айтады. Жылқыны жан досы санайтын Асыл оған бар сырын айтады екен.
Бұдан бөлек, Асыл жеке қожалық ашып одан әрі де ауыл өмірінің кереметтігін көрсеткісі келеді. Оның басты мақсаты — ұлттық мәдениет пен салт-дәстүрді сақтап қалу.
