Бір ғана Түркістан облысында осындай 569 тұрғын бар екен. Ол аздай, күні бүгінге дейін КСРО-ның «қызыл паспортымен» жүрген 224 азамат анықталған. Ал 18 жасқа толған соң туу туралы куәлік алмағандар саны – 565.
Мұндай дәйектер «Мәртебесі реттелмеген және жеке басын куәландыратын құжаттарсыз тұратын адамдарды анықтау» акциясы барысында белгілі болған. Мамандар жеке бас құжатынсыз жүретін азаматтарға 1 ай ішінде құжат жасатпаса арнайы айыппұл да көзделгенін ескертеді.
Ғани Зиябекұлы, ІІМ көші-қон қызметі комитетінің азаматтық және иммиграция басқармасының бастығы:
«ҚР заңнамасына сәйкеc, құжатсыз адамдардың құқықтық мәртебесі анықталатын болады. Яғни Қазақстан Республикасының азаматы немесе азаматтығы жоқ адам есебінде белгілі бір тиісті құжат беріледі. Өздеріңізге мәлім азаматтардың құжаты болмауы, олардың конституциялық құқы мен заңды мүдделерін іске асыруын шектейді»
