Ақтөбеде GAP қаржылық пирамидасы анықталып, қызметіне тосқауыл қойылды. Ұйымдастырушылар азаматтарға 10 пайыздық бастапқы жарнамен үй немесе көлік сатып алуды ұсынған. Осы әдіспен халықтың ұйымға деген қызығушылығын оятқан. Естеріңізге сала кетейік, бұған дейін қаржы мониторингінің қызметкерлері GAP қаржылық пирамидасының Қостанай мен Шымкенттегі кеңселерінің қызметін тоқтатқан еді. Қазіргі уақытта аталған іс бойынша тергеу шаралары жүргізілуде.
Әлібек Әбділов – ҚР Қаржы министрлігінің қаржылық мониторинг агенттігі баспасөз қызметінің өкілі:
«Ақтөбе облысының қаржы мониторингі агенттігінің аумақтық департаментінің қызметкерлері анықтады. Қазақстан Республикасы қаржы мониторингі агенттігінің қызметкерлері Ақтөбеде GAP атты қаржы пирамидасын ұйымдастырудың кезекті фактісін анықтады. ҚР ҚК-нің 217-бабы 1-бөлігі «қаржы пирамидасын құру және оған басшылық ету»бойынша сотқа дейінгі тергеу басталды».
